Azärbaycan Respublikası ümumtähsil müässisälärinin
bazis tädris planı üzrä seçmä fännlärin tädrisi ilä bağlı täkliflär

Azärbaycan Respublikası Nazirlär Kabinetinin 1999-cu il 26 aprel tarixli 72 nömräli qärarı ilä täsdiq edilmiş “Azärbaycan Respublikasında ümumi orta tähsilin dövlät standartları” sänädinin sonuncu bölmäsi olan “Azärbaycan Respublikası ümumtähsil müässisälärinin bazis tädris planı”nda näzärdä tutulmuş “seçmä fännlärin” tädrisinä ayrılmış saatlar müäyyän olunsada, “seçmä fänlärin” tädrisi qaydaları haqqında bir söz deyilmir. Näticädä näinki seçmä fännlärin, hätta icbari fännlärin tädrisindä böyük problemlär yaranır. Mäktäblärdä siniflär inzibati qaydada “seçmä siniflärä” çevrilirlär. Sinif şagirdlärinin sayı üzärinä qoyulmuş mähdudiyyät şagirdlärä istädikläri “seçmä sinifä” keçmäyä imkan vermir. Mäsälän, riyaziyyat vä informatika fännläri üzrä qabiliyyäti olan vä bu fännlärä maraq göstärän şagird biologiya üzrä “seçmä fännli” sinifdä tähsil almaq mäcuriyyätindä qalır vä ya äksinä.

“Azärbaycan Respublikası ümumtähsil müässisälärinin bazis tädris planı” qäbul olunandan sonra şagirdlärin böyük äksäriyyätini “seçmä fänn”lä (daha doğrusu “seçmä sinif”lä) bağlı problemlär, onların äldä edä biläcäkläri biliklärdän dä märhum edir. Mäsälän, kompüter texnologiyalarına böyük marağı vä qabiliyyäti olan şagirdin ävvällär häftädä bu fänn üzrä aldığı 2 saat minimal tädris yükünü 1 saata endirib, onun marağından känar olan “seçmä fännli”, “seçmä sinifdä” oturması nä qädär düzgündür?

Biz tähsilin färdiläşdirilmäsinin äleyhinä deyilik. Bütün inkişaf etmiş ölkälärdä tähsilin yuxarı pilläsindä şagirdlärä “seçmä fänn”läri öz istäkläri äsasında seçmäk hüququ verilib vä bunun üçün här cür şärait yaradılıb. Bizdä dä här bir şagirdä belä hüquq verilsädä, özümüzün yaratdığımız bäzi keçilmäz baryerlärlä bu hüququ onların älindän alırıq (mäsälän, müxtälif tähsil pillälärindä sinif şagirdlärinin minimal sayını müäyyän edän daxili qärarla). Bunun obyektiv säbäblärindän biri tähsil sisteminin iqtisadiyyatının zäif olmasıdır. Mähz tähsilin iqtisadiyyatının zäifliyi tähsil sisteminin än äsas göstäricisi hesab olunan – keyfiyyät göstäricisinin aşağı düşmäsinä säbäb olur.

“Seçmä fänn” vä ya “seçmä sinif”lä (bu anlam qäbul olunmuş sänäddä olmasada, çox täääsüf ki, reallıqda mövcuddur) bağlı problemlärin aşağıdakı hälli yolunu täklif edirik:

1. Şagirdlär arasında aparılmış sorğu vasitäsilä “seçmä fännlär” vä bu fännläri tädris edäcäk mäktäb pedaqoqları müäyyän olunur.
2. Sonuncu – 5-ci vä 6-cı därslär (icbari fännlär üçün ayrılmış häftälik därs yükü buna imkan verir) “seçmä fännlär” üçün ayrılır.
3. Müxtälif siniflärdän, eyni fänni seçän şagirdlär ayrılmış tädris vaxtında (mäsälän, 5-ci vä 6-cı saatlar) bir sinifdä cämlänib, seçdikläri fänni, seçdikläri pedaqoqun rähbärliyi altında öyränirlär. Bunun üçün “seçmä fänn” üzrä mäktäb müdiriyyäti täräfindän möhürlänmiş vä imzalanmış ayrıca qiymät jurnalı tutmaq olar.
4. “Seçmä sinif”lärdä şagirdlärin minimal sayına käskin mähdudiyyät qoyulmamalıdır.
5. Här hansı “seçmä fänn” üzrä mäşğul olmaq istäyänlärin sayı maksimal häddändän çox olarsa, şagirdläri müsabiqä yolu ilä seçmäk vä ya eyni fänn üzrä bir neçä seçmä sinif täşkil etmäk olar.

“Seçmä fännlär”in tädrisi qaydaları ilä bağlı, Xalq Tähsili Nazirliyi täräfindän yuxarıda sadalanan ciddi prolemläri häll edäcäk uyğun normativ sänädin hazırlamasına böyük ehtiyac var.

Etibar Axundov